"Dekha palat k us ne k hasrat usay bhi thi
Hum jis pe mitt gae thay mohabbat usay bhi thi"

"Chupp ho gya tha dekh kar wo bhi idhr udhar
Dunya se meri tarha shikayat usay bhi thi

"Ye soch kar andhere galay se laga liye
Raaton ko jaagne ki aadat usay bhi thi"

"Wo ro dia tha mujh ko pareshaan dekh kar
Us din khula k meri zaroorat usay bhi thi"

"Hazaron Dukh Parein Sehna, Mohabbat Mar Nahi Sakti
Hai Tum Say Bus Yehi Kehna, Mohabbat Mar Nahi Sakti"

"Tera Mere Har Khat Ko Parhna Aur Ro Dena
Mera Har Baar Likh Dena, Mohabbat Mar Nahi Saktii"

"Kiya Tha Hum Nay Campus Ki Nadi PAy Ik Haseen Wada
Bhale Humko Paray Marna,Mohabbat Mar Nahi Sakti"

"Jahan Main Jab Talak PancChi Chehakte Urtay Phirtay Hain
Hai Jab Tak Phool Ka Khilna, Mohabbat Mar Nahi Sakti"

"Puranay Ehad Ko Jab Zinda Krnay Ka Khayal Aaye
Mujhe Bas Itna Likh Dena, Mohabbat Mar Nahi Sakti"

"Woh Tera Hijr Ki Shab Phone Rakhe Say Zara Pehlay
Bohat Rotay Huye Kehna, Mohabbat Mar Nahi Sakti"

"Agar Hum Hasraton Ki Qabr Mein Hi Dafan Ho Jayein
To Yeh Qutbon Pay Likh Dena, Mohabbat Mar Nahi Sakti"

"Puraanay Raabton Ko Phir Naye Wade Ki Khwaish Hai
Zara Ik Baar To Kehna, Mohabbat Mar Nahi Sakti"

"Gaye Lamhaat Fursat K Kahan Say Dhoond Kr Laoon
Wo Pehron Haath Pay Likhna, Mohabbat Mar Nahi Sakti"

Musafir to bicharty hein,rafaqat kab badalti hay
Mohabbat zinda rehti hai,mohabbat kab badalti hay"

"Tum hee ko chahtey hein,tum hee say pyar karty hein
Ye hee barsoon say adat hay aur adat kab badalti hay"

"Tumhein jo yaad rakha hay ye hee apni ibadat hay
Jo pathar pay likhi jay, ibarat kab badalti hay"

"Kali ka phool banna aur bikhar jana muqadar hay
Yehi kanoon-e-fitrat hay aur fitrat kab badalti hay"

"Jo dil pay naqash kar jay aur aankon mein simat aye
Alaamat hay ye chahat ki aur chahat kab badalti hay"

"Usay chaha,usy pooja,ye hee toqeer hay apni
Humein gumrah mat samjho,ibadat kab badalti hay"

Chikni chuprhi methi batain karne wale