masoom kis qadar tha me aghaz e ishq me!!!

Ye Sab Ek Wehem Hai Mera

suno larhki

me shayad janta hun sab
tume mujhse gharz koi
na he mujh se muhabat hai
ye sab ek wehem hai mera

k jab tum pass ati ho
yun lagta hai k man he man
mujhe awaz deti ho
mujhe tum dekh k yunhi
jo nazroon ko jhukati ho
yun lagta hai k us lamhay
mujhe tum samnay pa k
naye kuch khwaab bunti ho
mujhe apna banane ki
hamesha sath rehne ki
kai kasmen uthathi ho

k ankhon ankhon me mujh se
buhut kuch kehna hai tum ne
magar kuch keh nahe pati
tum ek masoom gurhya ho
kabhi kuch keh na pao gi

yun man he man muhabat ka
me bs ek wehem samjhon ga

magar abbas b tumse
nahe kuch keh nahe sakta
tere khamosh jazboon ki
inhi masoom nazroon ki
qadar is drja us ko hai
tumharay samne a k
wo sab kuch bhool jata hai

yun dil he dil me kehta hun
ajab sa weham hai mere
ye sab ek wehem hai mera...........

BY: Abbas Bangash

Bandh lein hath pe seenay pe saja lein tum ko

Bandh lein hath pe seenay pe saja lein tum ko
Jee mein aata hai ke taweez bana lein tum ko

Phir tumhein roz sanwarein tumhein barhta dekhein
kyun na aangan mein chambeli sa laga lein tum ko

Jese baalon mein koi phool chuna karta hai
Ghar k guldan mein phoolon sa saja lein tum ko

Kiya ajab khuwahishein Uthti hain hamarey dil mein
Kar ke munna sa hawaon mein uchha lein tum ko

Is qadar toot ke tum pe hamein piyar aata hai
Apni banhon mein bharein maar hi daalein tum ko

Kabhi Khwabon Ki Tarah aankh Ke Pardey Mein Raho
Kabhi Khwahish Ki Tarah Dil Mein Bulain Tum Ko

Hai tumharey liye kuch aesi aqeedat dil mein
Apney hathon mein duaon sa utha lein tum ko

Jaan dene ki ijzat bhi nahi dete ho
Verna mar jayen abhi mar k mana lein tum ko

Jis Tarah Raat Ke Seeney Mein Hai Mehtaab Ka Nur
Apne Tareek Makanon Mein Saja Lein Tum Ko

Ab To Bas aikk he Khwahish Hai Kisi Mor Per Tum
Hum Ko Bikhrey Huwe Mil jao Sambhalein Tum Ko

By: Wasi Shah

Ajab Masoom Larhki Thi

Ajab din thay mohabbat ke,

 Ajab din thay rafaqat ke

Kabhi gar yaad aa jayen to

Palkon par sitare jhilmilate hain

Kisi ki yaad mein raton ko aksar

 jagna mamool tha apna

Kabhi gar neend aa jati

 to hum ye soch lete thay

Abhi to wo hamare waste roya nahi ho ga,

 abhi soya nahi ho ga

Abhi hum bhi nahi rote, 

abhi hum bhi nahi sote

So phir hum jaagte thay 

aur usko yaad karte thay

Akele beth kar weeran dil abad karte thay

Hamare saamne taron ke jhurmat mein

 akela chand hota tha

Jo uske husn ke agey

 bohat he maand hota tha

Flak par anginnat roshan sitaron ko

Jo hum tarteeb dete thay 

to uska naam banta tha

Jo agle roz jab miltey

To guzri raat ki har bekali ka

 zikr karte thay

Har aik qissa sunate thay

Kahan kis waqt kis tarha se 

dil dhadka batate thay

Main jab kehta ke jannan aaj to 

main raat ko aik pal nahi soya

To wo khamosh rehti thi

Par uski neend mein doobi do jheel si aankhen

Achanak bol uthti thi

Main jab usko batata tha

 ke main ne raat ko roshan sitaron mein

Tumhara naam dekha hai

To wo kehti tum jhoot kehte ho

Sitare main ne dekhe thay

Aur un roshan sitaron mein

 tumhara naam likha tha

Ajab Masoom Ladki thi

Mujhey kehti thi lagta hai,

 ab apne sitare mil he jain ge

Maggar usko khabar kia thi

 kinare mil nahi sakte

Mohabbat ki kahani mein

 mohabbat karne walon ke

 sitare mil nahi sakte

Kinare mil nahi sakte

Kuch Khawab hain jinko likhna hai

Kuch Khawab hain jinko likhna hai

Tabeer ki surat deni hai

Kuch log hain ujray dil walay

jinhien apni muhabbat deni hai

Kuch phool hain jinko chunana hai

Aur haar ki surat deni hai

Kuch apni neendien baki hain

jinhien bantna hai kuch logoon main

unko bhi to rahat deni hai

Aye umer-e-Rawan

Ahista chal

Abhi khasa qarz chukana hai

Koi aesa pal bhi huwa kare

Koi aesa pal bhi huwa kare
Main kahun tu bas wo suna kare

Meri fursatein mere mashghale
Sabhi apne naam likha kare

Koi baat ho kisi shaam ki
Koi zikar ho kisi raat ka

Jo sunane bethon usey kabhi
Wo sune to sun ke hansa kare

Jo main kahon chalo us nagar
Jahan jugnuon ka hajoom ho

Wo palat ke dekhe meri taraf
Aur mujhko pagal kaha kare